Weisch no…

Im Nünesibezgi nach em ne Techtelmechtel isch es passiert,
Fünf übermüetigi Narre hei d’Lämpe kreiert.
E absoluti Männertruppe het’s de müesse wärde,
öpe no e Frou Derby? Phüet di Gott uf Ärde.

Im Achzgi si sy voller Stolz a d’Fasnacht de gange,
und em Sunntig am Abe uf der Büni scho gstande.
Scho gly hei si gemerkt das me z’füft nid ganz längt,
drum hei si de schnäu a witeri Musiker dänkt.

Es paar Jährli später isch e flotti Truppe drus worde,
sy gö vo Chylbi zu Chylbi jede füehlt sich geborge.
Langsam het sich e franösische Fade bi dene Copins vergrabe,
by de Lämpe merksch aber nüt vom e ne Röschtigrabe.

Bodeständig und nid ständig em Bode sötsch i dere Truppe scho sy,
süsch isches mit der Kondition a der Fasnacht,de  gly mau Verby.
E hufe Reise hei die Kumpels zäme scho gemacht,
Sy hei i der Schwiz in Dütschland und in England scho glacht.

Die Lämpe CD’s wo us unzählige Lutsprächer Töne,
tüe mängs Öhrli wo zuelose musikalisch verwöhne.
Der Lämpechäuer, ire Hafe isch eis vo de Höhepünktli,
zum Glück ch dä nid schnure Pünktli Pünktli Pünktli.

I däm Chäuer tüe sy probe dumm schnure oder umehocke,
und wenn si mau putze finge sy no e stinkige Socke.
Wenn sy verchleidet aus Pfadi gö, si sy allzeit bereit,
wenns um z’musige, um z’ässe und ums süffele geit.

I au dene drei Disziplinen trainiere sy verbisse,
drum wet se i üsere Hemisphäre ou niemer vermisse.
Lang söue die Lämpe no witerläbe,
nid am gliche Fläckli blibe chläbe,
musige, chylbele und das  dürestampfe,
d‘ Lämpefäns wärdenes ewig’s verdanke.

Copyright @ Bögess – Lämpe Clique Biel

Teilen »» Share on FacebookTweet about this on TwitterEmail this to someonePrint this page

Nächster Event